Sam at Piolo, may series of shows sa Europe

Sam at Piolo, may series of shows sa Europe
by Reggee Bonoan
Balita
28 October 2009


NGAYONG araw ang lipad nina Sam Milby at Piolo Pascual patungong Europe para sa series of shows ng Hearthtrobs na nasa ikaapat na taon nang paglilibot sa buong mundo. Ang first leg ng show ay sa Jerusalem, Dublin, Milan, Florence, Barcelona at London. Ayon kay Sam ay dream come true para sa kanya ang pagpunta sa Jerusalem at talagang magpapa-picture to the max daw siya.

Bago umalis si Sam ay tinapos muna niya ang lahat ng eksena niya sa Tanging Pamilya, A Marry Go Round under Star Cinema dahil pagbalik niya ng November 8 ay sa premiere night na ang diretso niya.

Pag-uwi niya ng Pilipinas ay uumpisahan naman niyang mag-shoot ng pelikula nila ni Anne Curtis na may working title na Maybe It's You (co-prod ng Viva Films at Star Cinema) sa direksiyon ni Mae Cruz.

Samantala, sa advance taping ng ASAP '09 nu'ng nakaraang Linggo (airing sa November 1) ay nakita naming tsikahan nang tsikahan sina SAM at ANNE sa dressing room, at tulad din ng obserbasyon ng obserbasyon ng iba roon ay nagkabalikan na nga sila, pero mukhang ayaw nilang ipaalam. Okey, fine.

Bago umalis si Sam ay in-update muna niyang ang Facebook account niya para sa fans na nagtatanong kung ano ang latest sa kanya, kaya kahit wala siya sa bansa ay knows ng supporters niya kung nasaan siya.

At sa November 20 (Biyernes) naman ay special guest si Sam sa Ai-Conic fashion concert ni Ai Ai de las Alas sa Zirkoh Morato.